Scan barcode
A review by esraaosama
أبي الذي أكره by عماد رشاد عثمان
5.0
أبي الذى أكره
رغم إسم الكتاب الصادم إلا انه من الطف وأفيد الكتب اللي قريتها. الكتاب بيناقش أنواع الإساءة اللي ممكن يتعرض لها الإنسان و هو طفل وازاى الإساءة دى بتأثر علي شخصيته و علاقاته طول فترة حياته.
الكتاب أسلوبه أدبي بسيط رغم انه فيه مصطلحات علميه كتير مكتوبه باللغتين العربي و الإنجليزى عشان اللي يحب يعرف عن حاجة اكتر، إلا أن الأسلوب البسيط للكتاب بيخفف من تقل المواضيع اللي بتتناقش فيه.
لكن من أحلي الحاجات اللي موجودة فعلا هي الإقتباسات المختارة بدقة جدا لكل فصل و لكل موضوع و اللي ممكن تقوم بدور داعم لوحدها جنب محتوى الكتاب.
اما بالنسبه لي فأهم نقطة وصلتني منه هي فكرة إن التعافي جزء من مسئوليه الشخص تجاه نفسه، وإنه حتي أحسن نماذج وطرق التربيه ممكن يحصل فيها أخطاء وعشان كدة فالتعافي هو مسئوليه الشخص مش اللي حواليه.
وإن الخوف اللي بيمنعنا من قبول فكرة التعافي طبيعي سواء الخوف من فتح ذكريات مؤلمه أو أبواب مقفوله أو سواء أسوار إتبنت عشان نتحامي وراها من المسيئ أو إننا تعيد التجربة أو حتي الخوف من التعافي نفسه لإننا بقينا مدمنين علي الأدوار اللي إتحطينا فيها وإتعودنا عليها.
الخوف طبيعي لكن تجاوزه ممكن، وده اللي بنشوفوا من إستشهادات الكاتب بأقوال حالات حقيقية علي مدار الكتاب.
تقييم الكتاب 5/5
من تجربتي ده من الكتب اللي حتحب ترجعلها دايما
رغم إسم الكتاب الصادم إلا انه من الطف وأفيد الكتب اللي قريتها. الكتاب بيناقش أنواع الإساءة اللي ممكن يتعرض لها الإنسان و هو طفل وازاى الإساءة دى بتأثر علي شخصيته و علاقاته طول فترة حياته.
الكتاب أسلوبه أدبي بسيط رغم انه فيه مصطلحات علميه كتير مكتوبه باللغتين العربي و الإنجليزى عشان اللي يحب يعرف عن حاجة اكتر، إلا أن الأسلوب البسيط للكتاب بيخفف من تقل المواضيع اللي بتتناقش فيه.
لكن من أحلي الحاجات اللي موجودة فعلا هي الإقتباسات المختارة بدقة جدا لكل فصل و لكل موضوع و اللي ممكن تقوم بدور داعم لوحدها جنب محتوى الكتاب.
اما بالنسبه لي فأهم نقطة وصلتني منه هي فكرة إن التعافي جزء من مسئوليه الشخص تجاه نفسه، وإنه حتي أحسن نماذج وطرق التربيه ممكن يحصل فيها أخطاء وعشان كدة فالتعافي هو مسئوليه الشخص مش اللي حواليه.
وإن الخوف اللي بيمنعنا من قبول فكرة التعافي طبيعي سواء الخوف من فتح ذكريات مؤلمه أو أبواب مقفوله أو سواء أسوار إتبنت عشان نتحامي وراها من المسيئ أو إننا تعيد التجربة أو حتي الخوف من التعافي نفسه لإننا بقينا مدمنين علي الأدوار اللي إتحطينا فيها وإتعودنا عليها.
الخوف طبيعي لكن تجاوزه ممكن، وده اللي بنشوفوا من إستشهادات الكاتب بأقوال حالات حقيقية علي مدار الكتاب.
تقييم الكتاب 5/5
من تجربتي ده من الكتب اللي حتحب ترجعلها دايما