A review by tawfek
Tim Burton's The Nightmare Before Christmas by Tim Burton

4.0

انا مش عارف هل فيه حد سبق تيم بورتون للأسلوب القصصي ده ولا لا أعتقد أقرب حد له بس علي مستوي أدبي أعلي و مستوي إمتاعي أقل هو إتش بي لافكرافت
بس اللي عمله تيم بورتون شهير و موثق هو خلي النوع ده من القصص بتاعه هو و بتاعه هو بس
من الأفلام الكثيرة اللي قدم فيها نفس الأسلوب القصصي لقصصه العديدة اللي كلها بنفس الأسلوب
و بطريقة كئيبة و شبحية و عاطفية جدًا بتلاقي نفسك حابب القصص دي
فاكرين لما ساراماجو كتب إنقطاعات الموت و وضح جانب الكثير مش شايفينه من الموت، فخلانا نقدر وجود الموت في حياتنا
تيم بورتون عمل حاجة شبيهه بس في عالم الكائنات القبرية الموحشة، مقدمهمش علي انهم كائنات مخيفة عايزين يأكلوا عقلك أو يستحوذوا علي روحك أو يقتلوك و خلاص، خلاهم كائنات عندها مشاعر بتشعر بالحزن و بيبقي عندها رغبة في تغيير واقعها الكئيب، آه صحيح الأمور مش بتمشي زي ما بيتخيلوا، بس زي ما شفنا في القصة دي هما بالفعل غيروا واقعهم و بعد ما كان سانتا مش بيزور عالم الهالوين بتاعهم خالص بدء يزوره
بس انا هغلط عمو سانتا المفروض كنت تزورهم من زمان و تنشر بعض السعادة بينهم حتي لو ليوم واحد في السنة
الحقيقة أكون مهتم جدًا أقرا في يوم من الأيام حاجة تخليني أفهم تيم بورتون بيفكر ازاي، و ازاي وصل للتركيبه المميزة دي، و ايه اللي بيحاول يوصلوهلنا مش استنتاجاتي انا شخصيًا عن تجربته العظيمة كمخرج و كاتب
القصة مترجمة في مجموعة المترجم 2 لهشام فهمي