A review by siren224
As You Like It by William Shakespeare

4.0

الحياه كلها مسرح دي الريفيو لما قريتها من ١٤ سنة
الحقيقة لازم الجودريدز يحط رف للكتب اللي بتعيد قراءتها
.... الريفيو الجديدة بقي لما نشوف ١٤ سنة غيرت ايه
بداية انا قريتها كرواية مش مسرحية ف الادب العالمي للناشئين
وحبيت جدا الخيال الجميل وطبعا حبيت جاك جدا وهو صاحب الجملة الشهيرة ما الحياة الا مسرح
نيجي بقي لطبعة دار المعارف
حقيقة انا مش عارفة هي دي طبعة دار المعارف ولا طبعه المنظمة العربية للثقافة اللي تبع الجامعه العربية
عموما الاتنين حلويين والتقديم للمسرحية اكتر من رائع
ندخل بقي في المسرحية
حسيت ان تتشستون اسوأ مهرج ف مسرح شكسبير عموما
تاني حاجه بستغرب اوي من سهوله وقوع الابطال ف الحب ف كل مسرح شكسبير
عجبني طبعا جاك حسيت انه اكتر شخصية شكسبير عرف يقدمها ببراعة
والاكتئاب اللي عنده ده
حسيت في شخصيات زيادة كتير معرفش حشي بيها المسرحية زي فيبي وولم واودري
اخيرا ده ميمنعش انه انا بحب شكسبير اوي بحسه سابق عصره جدا !
بس بستغرب اوب من فكرة انه مفيش تاريخ محدد لنشر مسرحياته !
ومفيش نسخ كامله زي مكبث مثلا !
وبرده لاحظت حاجه غريبة ان الرجال هم اللي بيقوموا بدور السيدات ف التمثيل !!!
وبرده انا تخيلت ان العصر ده الناس كلها كانت بتتكلم بشعر وقافية وحكمة كده !!!
وواضح تأثير الثقافة الاغريقية جدا عليه !!